Streche Florentin. She’rlar

0
211
ko'rishlar soni

Streche Nikolay Florentin — Rumin shoiri va publitsisti. 1982 yilda Buxarest shahrida tug‘ilgan. 2002-2006 yillarda Buxarest  universtitetida tahsil olgan va bakalavr diplomini, so‘ng 2011-2013 yillarda magistr diplomini olgan. She’rlari turli tillarga tarjima qilingan, bir nechta xalqaro adabiyot festivallari ishtirokchisi.

Men (emas)

I am (not)

Bu yerga kelganman

Sukunat deb atalmish

Ne’mat ilinjida uning ortidan.

Tavalludim ro‘y bergan ochig‘i

Ufq tomonga butkul nigoh qaratib

Erkalashni boshlab quyosh nurlarini

Sanoqni o‘rgangach barmoqlarim bilan.

Men bilaman

Ulkan koinot sahrosidagi

Mayda qum zarrasi ekanligimni

Bor gap menda mavjudligi ham

Hayot siyratini ko‘rish xislati.

Ammo emasman so‘qir

O‘zgalarning yuzini

Inkor qiladigan darajadagi.

Kechir

(Forgive!)

Dastlabki fursatda hayot

 Odam Ato va Momo Havoni

Bog‘lagan muhabbat rishtasidan 

Chetdagi inson ko‘yiga soladi seni.

Kelganda-chi galdagi fursat

Ifori taraladi

Tanangdan yap-yangi ishqning

Va aylanasan Odam Atoga

Izlay boshlaysan Momo Havoni

Yoki ehtimol Momo havo

Yuguradi Odam ato ketidan

Tutganicha daraxtdan uzilgan olmani.

Va nihoyat keladi uchinchi fursat

Uchinchi fursat…

Atrofga cho‘kadi tun qaytadan

Jufting sen tomonga yotar cho‘zilib

Boisi sen boy bergan bo‘lasan

Daraxtlar, otlar, toshlar, qushlar

Xususida orzu qilmoq fursatin qo‘ldan

Boisi sen unutgan bo‘lasan

Ko‘klam kunlarining birida

 Aytmoqni unga kechir meni deb

Bo‘lganing uchun sevmoqqa qurbsiz.

Faqat sen

(Only you)

Kunlar o‘tar bir navi

Ko‘z o‘ngimda zamin larzaga keladi

Bilgum na ibtidoni, na intihoni

Atrofdagi barcha narsa

Yonadi qobig‘ida qisirlab.

O, Farishta taraddudlanib

Yo‘l olding  sen qay yer tomon?

Ko‘rmaysan nahot

Olislarda ekaning bilgach

Seni deb to‘kmog‘imni ko‘z yosh

Muhabbatga muhtojligim payt?

Barchaning bisotidagi

Eng muqaddas narsa sifatida

Har erdasan faqatgina sen

Va men ham tiz cho‘kkanimcha

O‘yga tolaman  xushfe’llik ila

O‘zimni so‘roqlab ro‘yomi u deb

Yo qilgandimmi yo‘l-yo‘lakay orzu.

 Bo‘linish

(Separation)

Ko‘kragimni qoplagandek muz

Shamolni his qilaman

Esishini tanam bo‘ylab

Yodga solib Tavrotdagi toshqinni

Tashqarida chelaklab quyadi yomg‘ir.

Hoy suluv qiz

Ayt-chi etib borarmi senga

Ishqingda to‘kilgan yoshlarim sizib?

Birga o‘tkazgan lahzalarni qo‘msab

Ikki yorti bir bo‘lganidek

Tutib turganimizda bir-birimizni

Tushganida Haqning nazari

Bular barini o‘tgancha hatlab

Yaramaydi burchakda muloyim turmoq.

Onam so‘z qotar:

“Bolam, nima seni qilar bezovta

Kim ulkan ishqdan etdi mosuvo?”

Shunda men tin olaman bir oz

Va ko‘raman taraddud

Dafn qilmoq uchun

Hech kim inonmagan yolg‘izlikni

Ont ichishni boshlasak-chi sevmoqqa

Hozir bo‘laman surat ko‘tarib

Yetib kelaman

Iforingni eslatuvchi gul bilan

Ikki yorti bir bo‘lganidek

Birga bo‘lgan paytlarimizni qo‘msab.

Ingliz tilidan Sherzod Ortiqov tarjimalari

Javob yozing

Izoh yozing
Ismingizni kiriting