Emili Granados. She’rlar

0
330
ko'rishlar soni

Emili Granados – lotin amerikalik yosh ijodkor va aktrisa. 1994-yilda Meksikada tug‘ilgan.  UNAM universitetining Ispan tili va adabiyoti yo‘nalishida tahsil olgan. Hozirda maktabda bolalarga ta’lim beradi. 

I

Bu yer qo‘rqinchli —

Bizning dunyo haqda

Tasavvurimiz bor antiqa va takrorlanmas.

Arboblarmiz ongsiz va nafis

Menmal o‘shal-repititsiyalarsiz yashovchi

O‘z dahshatlarini yerga ko‘madigan

Zulmat cho‘qqisidagi

Yalang‘och va bo‘m bo‘sh. 

Tiriltirar uni tebratib shamol

Men uchun yashirin

Kichik olovdek.

Kipriklarim raqs tushar

Ko‘rmayman hech kimni lekin

Kimsa yo‘q yonimda

Yolg‘izman.

Yog‘och cho‘plarda qolgan

Shirin izlar

Tahlikali bolaligim olovi…

Va qorong‘u ko‘chalar

Va ortga qaytmagan dadam 

Va omonatin topshirgan buvim

Va keng shimlarim

Va Opits* sindromi

Va bobom so‘ygan qo‘ylar. 

Bular xavfsizdir

Bolalikka men qaytib

O‘ylasamgina bola bo‘lganimni

Har birini yoddan chiqarib. 

I I

Orzularni qo‘msaydi

Sumka to‘la olmos tuhfalar

Zumda o‘tib ketgan vaqt aro

Oh, o‘tib ketgan vaqt aro!

Men to‘xtashni istayman

Shunda anglolmay

O‘ksinaman, o‘ksinaman

U qanday lahza ediki

Yigirma beshgacha keldim-da yetib

Va yo‘qotdim

Tug‘ilish va yo‘ldagi 

Barcha talab qilingan narsalarni.

His qildimki

Berkitilgan irodam sabab

Balandroqqa jami ahdlardan

Dunyo yangi 

Men ham yangiman.

III

Masxaraboz burnim ichra

Berkitilgan asrlarga tatigulik 

Xosiyatsiz tushlar

Oilam kimligini bilmay

Vujudimni toptagan yuzlar

Bir kunga men ilk bora borgan

Shahardagi minglab chiroqlar

O‘limgacha takrorlanmas narsalar

Olovdek sovurilgan ibodatxonam

Va barcha dargumonligim ko‘chgan

Uch boshli mahluqning

Yurishlari aks etgan varaqalar. 

IV

U yerda tepada — 

Tashqi qatlamning har burchida yolg‘iz

Har chiqargan nafasida

Ichga yutib 

Yig‘i va ishq ko‘z yoshlarini

O‘zga samolarga quvvat

Beradigan bular barchasin 

Uloqtirdim qora bo‘shliqqa.

Sug‘urib oldim jasoratni

Huddi shunday harakat bilan

Otib yubordim

Hayvondek yalab jarohatimni

Sokin kechalarda uvladim go‘yo.

U yerda yo‘q edi birov 

Va bo‘lmas ham

Men edim faqat

Pinhonlik cho‘qqisida.

Bir o‘zim edim

Tashlanmasdim

Insoniyatning ko‘ziga. 

*Opits sindromi — asosan ayollarda uchraydigan noyob xromasoma kasalligi

Ingliz tilidan Nodirabegim Ibrohimova tarjimasi.

Javob yozing

Izoh yozing
Ismingizni kiriting