Saytimizda ushbu loyihaning galdagi ishtirokchilari yosh shoirlar — Nozima Xabibullayeva hamda Shahriyor Shavkat bo‘ladi. Marhamat, Prust anketasidagi savollarga berilgan javoblarni o‘qishingiz mumkin.
Anketa savollari:
1. Sizni eng ko‘p nima xafa qiladi?
Shahriyor: Umrimizning juda qisqaligi. Yurishni, gapirishni, atrofni o‘rgangunimizcha qancha vaqt isrof bo‘lgan-a?! Bu yog‘ida ham hech qancha vaqt yo‘q.
Nozima: Odamlarning ko‘ngildan yiroqlashib, robotlashib borayotgani… Ba’zida, onam bolalik paytlarini gapirib bersa havaslarim kepketadi.
2. Qayerda yashashni istardingiz?
Shahriyor: Hamma joyda yashay olaman. Ko‘proq jannat yoqadi.
Nozima: Dengiz yo daryo bo‘yida.
3. Hayotingizdagi eng baxtli lahzani ayta olasizmi?
Shahriyor: Hamma birinchi voqealar: tug‘ilishim, ko‘rishim, sevishim, qiynalishim, afsuslanishim, kechirishim, ketishim, qaytishim, o‘lishim.
Nozima: Eeeng ko‘pi — she’r yozib bo‘lgandagi zavq.
4. Qanday xatolarni ikkilanmay kechirib yubora olasiz?
Shahriyor: Imlo xatolaridan boshqasini deb hazillashaman.
Qasddan qilinmagan xatolarni. Kechiraman, lekin o‘sha odam bilan qayta gaplashmaslikka harakat qilaman.
Nozima: Bilmay qilingan va chin dildan pushaymon bo‘linganini.
5. Siz yaxshi ko‘rgan ayol personaj.
Shahriyor: Boysunlik Barchin opa.
Nozima: Halicha yo‘q.
6. Siz yaxshi ko‘rgan erkak personaj.
Shahriyor: «Samarqand osmonida yulduzlar»dagi Amir Temur.
Nozima: Avliyo Sergey.
7. Tarixdagi siz yaxshi ko‘rgan qahramonlarni ayta olasizmi?
Shahriyor: Amir Temur, Jaloliddin Manguberdi, Pahlavon Mahmud, Sa’diy Sheroziy.
Nozima: Jaloliddin Manguberdi, Yunus Emro.
8. Real hayotda siz eng hurmat qilgan ayol.
Shahriyor: Onam.
Nozima: Buvim.
9. Siz ijodini sevgan rassom kim?
Shahriyor: Akmal Nur, Rafael Slekenov.
Nozima: Arxip Kuindji, Akmal Nur.
10. Siz ijodini sevgan musiqachi yo bastakor kim?
Shahriyor: Nozima Habibullayeva, o‘ziniyam, ijodiniyam sevaman.
Nozima: Betxoven, Rimskiy- Korsakov, Astor Piatzolla.
11. Bir erkak sizningcha qanday bo‘lishi kerak?
Shahriyor: Muhammad s.a.v so‘zlariga amal qiluvchi bo‘lishi kerak.
Nozima: Maqomiga munosib: chinakkam suyanch, mard, solih va yuksak tafakkurli.
12. Bir ayol sizningcha qanday bo‘lishi kerak?
Shahriyor: Ilmli, farosatli, go‘zal, samimiy.
Nozima: Aqlli, did — farosatli, oilaparvar.
13. Siz eng sevgan hislat.
Shahriyor: Qat’iylik.
Nozima: Samimiylik.
14. Qaysi ishni bajarayotganda o‘zingizni baxtli his qilasiz?
Shahriyor: Yozayotganim, o‘qiyotganimda.
Nozima: Yangi asar chalishni o‘rganayotganim va yangi pishiriq tayorlayotganimda.
15. Ayni dam kimning o‘rnida bo‘lib qolishni istardingiz?
Shahriyor: O‘z o‘rnim yoqadi.
Nozima: Kelajagimning.
16. Do‘stlaringizda qanday hislat va fazilatlar bo‘lishini xohlardingiz?
Shahriyor: Bag‘rikeng, kamtar, bir so‘zli, dangal, jiddiy.
Nozima: Rostgo‘ylik va birdamlik.
17. Eng katta nuqsoningizni ayta olasizmi?
Shahriyor: Ko‘p uxlayman. Hayot esa oz.
Nozima: Ishonuvchanlik.
18. Yaxshi ko‘rgan rangingiz qaysi?
Shahriyor: Qora. Bayroq uchun bo‘lsa, moviy.
Nozima: Moviy, oq, pushti.
19. Siz sevgan gul turi.
Shahriyor: Qora shahzoda. O‘ziyam jiddiy gul-da!
Nozima: Orxideya va atirgul.
20. Siz sevgan qush turi.
Shahriyor: Kabutar, original qush.
Nozima: Oqqush va kabutar.
21. Qaysi yozuvchining ijodini yaxshi ko‘rib o‘qiysiz?
Shahriyor Lev Tolstoy.
Nozima: Tolstoy, Nodar Dumbadze va S. Moem.
22. Qaysi shoirning ijodini yaxshi ko‘rib o‘qiysiz?
Shahriyor: Pushkin.
Nozima: Lorka va Shavkat Rahmon.
23. O‘zingizda bo‘lib qolishini orzu qilgan g‘ayritabiiy iste’dod turi bormi?
Shahriyor: Davrlar osha yashash iste’dodi bormikan? Shaxsan gaplashadigan odamlarim bor.
Nozima: Uchish (qaniydi!).
24. Qanday o‘lishni istagan bo‘lardingiz?
Shahriyor: O‘layotganimni bilib o‘qishni. Kalima qaytarib, hayotdan rozi bo‘lib, tanho…
Nozima: Joynamoz ustida
25. Hayotdagi shioringiz.
Shahriyor: Hammasini bir ko‘rish kerak.
Nozima: Bu kunlar ham o‘tar, ketar.
26. Ayni hozir ruhiy holatingiz qanday?
Shahriyor: Hammasini bir-bir varaqlab chiqyapman. Bir nima ustida uzoq qolib ketish yoqmaydi. Bir oy boy, bir oy qashshoq, bir oy g‘ayratli, bir oy dangasa bo‘lgim bor. Zerikishni yomon ko‘raman. Suv degani qaynab yo oqib turishi kerak. Tozaroq bo‘ladi.
Nozima: Mo‘tadil. Ijodiy energiya bor, faqat dangasalik qilyapman.
