YOSHLAR KATTALARDAN KIMNI O‘QIYDI?

0
631
ko'rishlar soni

O‘tgan galgi so‘rovnomamizda katta yoshli ijod ahlini savolga tutib, yoshlardan kimlarni kuzatib borishini so‘ragan edik. Bugungi so‘rovimiz uning aksi. Yosh ijodkorlar katta yoshli shoir va adiblardan kimlarni sevib mutolaa qiladi? Javoblar turlicha bo‘ldi. 

Xurshid Abdurashid: “Asosan internetda deyarli hamma katta ijodkorlarni kuzatib borishga harakat qilaman. Adabiy gazeta va jurnallarni ham imkon boricha kuzataman. Kattalar nimani yozyapti? Bu men uchun qiziq. Nasrda doimo katta qiziqish bilan kuzatib boradiganim ustoz Nabijon Boqiy. Qolaversa, Nazar Eshonqul, Ulug‘bek Hamdam, Luqmon Bo‘rixonlarni ham doimo kuzatib boraman. She’riyatda Gulnoz Mo‘minova, Nodira Afoqova, keyin oxirgi paytlarda Muhammadsiddiq Rahmatov akamizni ijodlarini muntazam kuzatib boryapman.  Katta ijodkorlar unchalik faol emasday tuyuladi, nazarimda. Balki, bu ularning biz yoshlar kabi andishasiz emasliklaridandir. Tag‘in bilmadim. O‘tgan ustoz ijodkorlarning joylari jannatdan bo‘lsin. Ularni o‘qiyversam, har satri yangiday, kecha yozilganday tuyulaveradi. Ulug‘lar ruhi yor bo‘lib, adabiyotimiz yuksalaversin”.

Tillaniso: “Halima Ahmad, Shodmonqul Salom, Aziz Said, Xurshid Davron, Muhammad Solih, Bektemir Pirnafasov, Nazar Eshonqul, Rahmon Hojimurod, Zarif Sultani, Xurshid Do‘stmuhammad, Shomirza Turdimov (maqolalar, ilmiy kitoblar), Gulnoz Mo‘minova (tarjimalarini o‘qidim oxirgi bor), Bahrom Ro‘zimuhammad, Murod Chovush, Olim Otaxonni o‘qiyman.”

Mirzohid Muzaffar: “Erkin A’zam, Xurshid Davron va Ibrohim G‘afurov”.

Mehrinoz Abbosova: “Nazar Eshonqul, Abduqayum Yo‘ldosh, Bahodir Qobul, Erkin A’zam, Nabijon Boqiy, Halima Ahmad, Nodira Afoqova, Dilorom Ergasheva, Aziz Said, Gulnoz, Mo‘minova, Odil Ikrom, Iqbol Mirzo, Ibrohim G‘ofurov, Qo‘chqor Norqobil, Xosiyat Rustam va yana boshqa ko‘plab ijodkorlar”.

Go‘zal Ro‘ziyeva: “Ustozlar ijodini doim kuzatib borishga harakat qilaman, negaki bizni ijodkor sifatida shakllantirgan, avvalo asarlari bilan adabiyot olamiga yo‘l ochib bergan maktab men uchun hamisha qadrli. Shu ma’noda nazmda Usmon Azim, Xurshid Davron, Aziz Said, Azim Suyun, Halima Ahmad, Zebo Mirzo she’rlari, nasrda Shoyim Bo‘tayev, Erkin A’zam, Nazar Eshonqul yaratgan har bir yangi asarni topib o‘qishga harakat qilaman”.

Sherzod Ortiqov: “Katta yoshli adiblardan faqat Nazar Eshonqul va Abduqayum Yo‘ldoshni o‘qiyman. Qolgan katta yoshli adiblarga qiziqmaganman. Ular o‘ta milliy, jo‘n va primitiv yozishadi. Katta yoshli shoirlardan hech kimni o‘qimayman. Ularning hech birini ijodi meni o‘ziga tortmagan. Balki, men syujetli va realistik poeziyani xush ko‘rganim uchun ularning pafos va tashbehlarga to‘la poeziyasi yoqmas. Dramaturglar haqida gapiradigan bo‘lsam, bizda hali haqiqiy dramaturgiya shakllangani yo‘q”.

Furqat Alimardon: “Erkin A’zam, Usmon Azim, Eshqobil Shukur, Ulug‘bek Hamdam, Abduqayum Yo‘ldoshev, Isajon Sulton va boshqalarni. Deyarli hammasini o‘qib, kuzatib borishga harakat qilaman. Shoirlarni ham”.

Rafiq O‘zturk: “Katta yoshli shoirlardan sevimlilarim: Muhammad Solih, Usmon Azim, Xurshid Davron, Faxriddin Nizom, Pahlavon Sodiq, Zarif Sultoniy, Xosiyat Rustamova, Gulnoz Mo‘minova, Go‘zal Begim, Oydinniso va boshqalar”.

Jontemir: “Xurshid Davron, Usmon Azim, Muhammad Solih, Nazar Eshonqul, Aziz Said, Faxriyor, Odil Ikrom, Xurshid Do‘stmuhammad, To‘xtamurod Rustam, Temur Po‘latov, Bahodir Abdurazzoq, Eshqobil Shukur, Halima Ahmad, Zebo Mirzo, Bahrom Ro‘zimuhamad, Xosiyat Rustamova, Dilorom Ergasheva, Ibodat Rajabova, Isroil Subhoniy, Bektemir Pirnafas, Abduvohid Hayit… Kim yaxshi yozsa, hammani!”

Mahfuza Imomova: “Usmon Azim, Nazar Eshonqul, Erkin A’zam, Abduqayum Yo‘ldosh, Isajon Sulton, Qo‘chqor Norqobil, Ulug‘bek Hamdam, Faxriyor, Aziz Said va boshqalar”.

Rahmat Bobojon: “Usmon Azim, Fahriyor, Yo‘ldosh Eshbek, Odil Ikrom, Bahrom Ro‘zimuhammad, Boltaboy Bekmatov, Shuhrat Matkarim…”

Manzura Abdullayeva: “Nazar Eshonqul, Abduqayum Yo‘ldoshev, Isajon Sulton, Luqmon Bo‘rixon, Ulug‘bek Hamdam, To‘lqin Hayit”.

Boboravshan: “Yozuvchi bo‘laman degani kishi ustoz, ayniqsa, zamondosh ijodkorlarni muntazam kuzatib borish kerak. Ijodiy, hayotiy tajribaga ega ijodkorning ayni zamon dardu iztiroblarini qay yo‘sin idrok va ifoda etishi yo‘lboshida turganlar uchun maktab vazifasini o‘taydi. Shu ma’noda men ham ustozlar ijodi bilan tanishib borishga urinaman. Aksariyat hollarda esa Erkin A’zam, Usmon Azim, Isajon Sulton, Muhammad Sharif, Sobir O‘nar, Shoyim Bo‘tayev, Eshqobil Shukur, Qo‘chqor Norqobil kabi ustozlar ijodini kuzatib boraman”. 

Shaxriyor Shavkat: “Katta yoshli ijodkorlarning ko‘pchiligi, menimcha, ijod bilan jiddiy shug‘ullanmay qo‘yishgan. Ko‘pgina ustozlarning yoshlikda yozgan asarlarini o‘qiyman. Ammo oyning o‘n beshi yorug‘ deganlaridek… Aziz Said, Xurshid Davron, Xurshid Do‘stmuhammad, Murod Muhammad Do‘st, Nazar Eshonqul, Odil Ikrom kabi ustozlarning yangi yozgan she’rlari, hikoya yoki tarjimalarini topishga va o‘qishga ishtiyoqim baland. Feysbuk orqali Nurulloh Muhammad Raufxon, Abdulhamid Pardayev, O‘roz Haydar, Nilufar Umarova, Gulnoz Mo‘minova, Xosiyat Rustamova, Nodira Afakova, Luqmon Bo‘rixon, Bektemir Pirnafasov kabi ijodkorlarning yangi yozligan ijod na’munalarini o‘qib boraman”.

Nodirabegim Ibrohimova: “O‘zbek adabiyotidan men sevib o‘qigan mualliflar hozir hayot emas, joylari jannatda bo‘lsin. Nasrda M.M.Do‘st, A.Yo‘ldosh, I.Sulton, U.Hamdamni, nazmdan U.Azimni mutolaa qilishni yaxshi ko‘raman. Ruhiyatimga mos, o‘zimni o‘ylantirgan masalalarga javob bera oluvchi asarlarni qidiraman. Umuman olganda, kattalarimizning barcha yangi asarlarini kuzataman, maqtalganlarini topib o‘qiyman. Yangi romanlar sanoqli bo‘lgani sabab hammasini o‘qib borishga fursat yetadi”. 

Nodirabegim yozib oldi.

Javob yozing

Izoh yozing
Ismingizni kiriting