YAPON MUMTOZ ShOIRI
(1661-1707)
***
Kuz. Oydin kecha.
Bo‘lmagan tog‘lar tutash
Fudzi*ga avval.
Fudzi-joy nomi.
***
Shiddatli chaqmoq!
Bugun sharqda chaqnaydi,
Ertaga g‘arbda.
***
Qishki pashshadek
U yashayverar hamma
Nafratlansa-da.
***
Salqin o‘rmon deb
O‘yladi tentak bulbul
Bambuk devorni.
***
Bog‘ sug‘oramiz
Chirildoq va chumchuqlar
Ketguncha ivib.
***
Bahor payti jom*
Sotilmagan kun yo‘q
Edo shahrida.
Jom- qo‘ng‘iroq ma’nosida
***
Totli baliqlar!
O‘zi ham yeb ko‘rsaydi
Keksa baliqchi.
***
Chigirtka tutgan
Mushukka qilar do‘sti
G‘amgin iddao
***
Gullagan olcha
Novdasini sindirdim.
Tosh oting, shayman!
***
Jajji qurbaqa
Bir maromda tebranar
Banan bargida.
***
Haydama kakku
Tushimga sahar kirgan
Onamni dodlab!
***
Osmon bilan yer
Yo‘lga chiqqan miskinga
Kiyimdir yozda.
***
Tog‘ ustida oy!
Tishin oqin ko‘rsatib
Qichqirar maymun.
***
Qishdagi ilk qor!
Unga qarab to‘ymayman
Patnisga to‘plab.
***
Kuylaydi bulbul
Bahorning ilk qo‘shig‘in
Shoxda egilib.
***
Qo‘limga berdi
Avval olcha novdasin
So‘ng xatni elchi.
***
Achchiq ta’nadan
Shomdagi ko‘knoridek
Boshin egdi qiz.
***
Tog‘lardan olis
Vodiyda bahorga xos
Rangda olchalar.
***
Basyoning o‘limiga
O‘n yil o‘tdi.
Xuddi kecha o‘lgandek.
Nam tol soyasi.
***
O‘lpon to‘ladi
Va tinchidi dengizdek
Yoz kunidagi.
***
Jala… Farq qilmas
Sof gullar mast qilmagan
Bir qop no‘xatdan.
***
Tepamda suzar
Orzum sari ko‘prikdek
Chivin galasi.
***
Yoz keldi! Ipak
Yirtishar qars-qurs qilib
Qo‘shni do‘konda.
***
Basyo xotirasiga
Kuzgi chirildoq…
Armon endi eshitmoq
Hatto hurragin.
***
Kichrayotgan oy!
Charchashdi ninachilar
Telba raqsdan.
***
Nima bu? Tushmi?
Yo rostan bo‘g‘izlandim?
Burga chaqqan joy.
***
Sovuq qish. Bo‘m-bo‘sh
Daladagi qo‘riqchi
Qarg‘aga qo‘ndoq.
***
Tillaqo‘ng‘izman.
Menga beva kulbasin
Shuvog‘i totli.
***
To‘lin oy nuri!
Soyasini tashlaydi
Namatga qayin.
***
Hovlimdagi qor!
To‘qilgan kasam*da u
Tuyular yengil.
Kasa-bosh kiyimi.
Rus tilidan Sherzod Ortiqov tarjimasi.
