Намозшом пайти.
Чиннигулни уздим-да,
Қотдим паришон.
Сия* ҳам гуллар…
Унинг ифорини лек
Мақтамас ҳеч ким.
*Сия- Япониядаги дарахт.
Ёқилганди шам
Тез хира тортди… сариқ
Хризантемалар.
Навниҳол бамбук.
Нурга кўмар Сага*ни
Уфқдаги қуёш.
*Сага- қишлоқ номи
Навниҳол бамбук.
Хасимотолик қувноқ
Аёллар қайда?!
Қуёш авжида.
Мидэра бутхонаси.
Яшил заранглар.
Ифорга илкис
Бурканиб орхидея
Бўзарар шомда.
Ташландиқ қудуқ.
Балиқлар сув чайқатиб
Овлашар чивин.
Танҳо дарбадар.
Ёмғир намлар хаки*ни,
Оёқ остини.
*хаки- ўсимлик тури.
Ёзги ўрмондан
Келдим балиқ ҳидига
Бўккан қишлоққа.
Хиэй тоғидан
Эсган шамол қайирар
Қуш қанотини.
Какку фарёди
Ёриб ўтар осмонни
Хэян* қиялаб.
*Хэян- сарой номи.
Болалар бетоб.
Унохана*да яшнар
Сукунат бугун.
*Унохана- гул тури.
Ёзги дарахтзор…
Қайдан келди бу ерга
Бетартиб тошлар?!
Мана худбинлик!
Чивин ҳайдар қўшнилар
Бир-бири томон.
Ёз жаласида
Уйқу бўлмас Мидзу*га
Қўшни уйларда.
*Мидзу- дарё номи.
Янги тонг… Жом*нинг
Овози сузар уни
Қолдириб ортда.
*Жом-қўнғироқ маъносида.
Бемордан нари
Қилгум хира пашшани.
Иссиқ авжида.
Рус тилидан Шерзод Ортиқов таржималари
